среда, 15 февраля 2017 г.

Թափանցիկ

 
Ցերեկը աչքերով սեր նվիրիր, գիշերը պահիր սրտում ու սպասիր, որ երազ դառնա ու փայլի քո հոգում:

Դառնա Երազ լուսեղեն... 
Աչքով տա քեզ, դու էլ պսպղուն աստղի պես աչքդ գցես նրա աչքերին: Գիտե՞ս` քո աչքի փայլը հերիք է, որ երկուսիդ աչքերը լուսավորվեն, փայլեն ու սեր ճառագեն...: 
Գրողի ծոցը թող գնան չարը, չկամն ու վախը: Նմանվեք մեծ աստղի, որին ինչքան նայես` կնայվի: Նմանվեք ալ կակաչի, որ ձեզնից քնքշություն թափվի: 
Ու դուք կամաց-կամաց կնմանվեք երկնքի` պարզ ու մաքուր երկնքի: Քանզի խաղաղված եք ու ներդաշնակ: Ո՛չ մի ամպ ու ագռավ ձեր ճամփին քար չի դառնա:
Իսկ հիմա, խնդրում եմ, հիշի՛ր նրան ու փակիր աչքերդ: Քո աչքերը, որոնք վաղը փայլով կլուսավորեն նրա աչքերը:
Քնի՛ր...
Քնի՜ր...:

1 комментарий: