среда, 24 мая 2017 г.

Այնտեղ, որտեղ միշտ սպասում են

Թե զայրացած լինես շուրջդ տիրողմշտադալար անարդարությունից,տխուր` չստացված օրվանից կամպարզապես հոգնած ամեն ինչից, մի՛ փորձիր փախչել հեռու՝ փնտրելով մշտական թաքստոց, այլ պարզապես գտիր քեզ համար ուժ հավաքելու և վերականգնվելու մի փոքր անկյուն։ 
Այդ անկյունն ամենքիս մոտ բնական է` տարբեր է. մեկն ինքն իր ներսում է գտել, մյուսն` ուրիշի։ Իսկ ես չեմ էլ փորձել փնտրել։ Ինձ այնտեղ անմտածված միշտ ոտքերս են տարել և ամենափոքր քարն անգամ հարազատ դարձրել։ 
Անկյուն, որտեղ անկախ եղանակից, տաք է։ Անկյուն, որտեղ անկախ ամեն ինչից ես փոքր ու անպաշտպան երեխա եմ։ Գիտեմ` կքնեմ աթոռին, բայց կարթնանամ սավանի տակ պառկած։ Եվ ամեն հարց իմ տեղը կլուծվի, միայն թե ես հանկարծ չարթնանամ։ Ու երբ լիովին կանջատվեմ այս աշխարհից, կարթնանամ ու կտեսնեմ, որ արդեն մոռացվել են երբեմնի տանջող խնդիրները։
Կարևորը` ես գիտեմ, որ կա մի վայր, որտեղից երբեք չեմ ուշանա, որտեղ ինձ միշտ սպասում են։ 
Հաճախ կուղևորվեմ այնտեղ, երբ հոգնած կլինեմ, երբ ուղղակի կուզեմ լիցքաթափվել, ուժերը վերականգնել ու տաքություն ստանալ։ Իսկ ուժեր հավաքելուցտաքանալուց հետոկփորձեմ տաքացնել նրան, ով ոչ թե կգա իմ ետևից, այլ ով միշտ  անկյունում նստած կսպասի ինձ․․․

Комментариев нет:

Отправить комментарий