Այսօր հիանալի օր է խոսել Հայաստանի մասին: Այս օրը Հայաստանինն է: Խոսել նրա մասին, պաշտել ու սիրել` բոլոր թերություններով: Թերություններ, որոնք շտկվող են, բայց երկար ժամանակ պահաջող թերություններ են: Միանգամից խոսում եմ թերություններից, սակայն դա իդեալական Հայաստան տեսնելու իմ ցանկությունն է: Մենք երկար ժամանակ պայքարում էինք բոլոր տեսակ թերությունների դեմ: Այո, խոսքս տանում եմ մի քանի ամիս առաջ տեղի ունեցած մեր թավշյա հեղափոխությանը: Հեղափոխություն, որը փոխեց Հայաստանը մակերեսորեն, բայց ներսում դեռ լիքը կեղտ կա: Հեղափոխության ոգևորությունը երկար տևեց և ուզում եմ, որ շարունակվի իրողության վրա հիմնված ոգևորությունը:
Պետք է Հայաստանը լիովին մաքրել իր ներքին կեղտից: Խոսքս նախկին իշխանությունների մասին է: Բոլորը սպասում են տեսնել լիովին նոր Հայաստան: Փոքր քայլերով, բայց մեծ արդյունքով:
Ինձ համար Հայաստանն այնտեղ է, որտեղ ես լիարժեք եմ: Հայաստանին կապող շատ պատճառներ կան: Սիրում եմ Հայաստանը, սիրում եմ իմ անկախ Հայաստանը:
Ես հավատում եմ, որ Հայաստանը փոխվել է և շարունակում է այդ ուղին: Ես հավատում եմ, որ Հայաստանը տեսնելու եմ իդեալական:
Իմ Հայաստանն այսօր անկախացել է: Ամենաժպտուն Հայաստանն է, որ երբևէ տեսել եմ: Նա ժպտում է` ինչպես երբեք:
Комментариев нет:
Отправить комментарий