Վագիֆ Սամադօղլու

Վագիֆ Սամադօղլուն հայտնի անուն է Ադրբեջանում: Ծնվել է 1939 թ. հունիսի 5-ին, Բաքվում:
Սցենարիստ է, դրամատուրգ: Հայտնի են նրա «Աստված, ես այստեղ եմ...», «Կանաչ ակնոցով մարդը», «Ամուսնական մատանի», «Հեռավոր կանաչ կղզի» գրքերը: Մահացել է 2015թ.-ին:

Վախ

(1983) 

Թաքցրո՛ւ լուսնի լույսը, 

Ինչ-որ մեկը կարող է տեսնել մեզ: 

Ես վախենում եմ. 

Նրանք կարող են խլել անգամ գիշերը
Եվ հեռու տանել մեզնից: 

Եթե ձյուն գա, չասեք ոչ մեկին, 

Որ ձմեռ է եկել:

Նրանք կարող են գարուն ձերբակալել` 

Մինչ հետևում են ձմռանը: 

Եթե լսում եք, որ գարունը եկել է, 

Մի՛ լքեք ձեր տունը:

Ո՛չ, սիրեցյալ իմ, 

Մի՛ ամրացրու ծաղիկը կրծքիդ,

Բա որ հանկարծ վերածվի խորհրդանիշի՞:

Ե՞րբ սկսվեց այս վախը.

Ո՞ր դարի ո՞ր տարում:

Ես չեմ կարող գտնել ճիշտ բառեր 
Այս երկրի լեզվով`
Նկարագրելու համար վախն իմ...

Անգլերենից թարգմանությունը` Մերի Երանոսյանի 

Աղբյուրը` այստեղ

Կոտրեցիր սիրտս (1969)
Ես քեզ սիրում եմ...

Թեև դու կոտրեցիր սիրտս,

Ես մեկ է` քեզ սիրում եմ։

Թեև դու ինձ չես ներում,
Ես մեկ է` քեզ ներում եմ։

Թեև դու ինձ մոռացել ես,

Ես մեկ է`չեմ մոռանում քեզ,

Ես կյանքս քեզ նվիրեցի,

Իսկ դու կոտրեցիր այն:

Իսկ հիմա ասա` ես ինչպես քեզ

Ուրիշ կյանք տամ, ասա, ինչպես...

Անգլերենից թարգմանությունը` Գոհար Հովհաննիսյանի 

Աղբյուրը` այստեղ