Մամմադ Արազ

Մամմադ Արազը ծնվել է 1933 թ.-ի հոկտեմբերի 14-ին, Նախիջևանի Շահբուզ շրջանի Նուրս գյուղում: Արազ գրական անունը մատնանշում է այն գետը, որը բաժանում է ներկա Ադրբեջանը և Իրանը:
Եթե պատերազմներ չլինեին 
(1956)
Եթե պատերազմներ չլինեին,
Կկարողանայինք կամուրջ գցել Երկրի և Մարսի միջև`
Հալելով զենքերը բաց օջախներում:

Եթե պատերազմներ չլինեին,
Հազար տարվա բերք կհասներ մեկ օրում:
Իսկ գիտնականներին կհաջողվեր աստղերն ու լուսինը Երկիր իջեցնել:



Գեներալի աչքերը նույնպես ասում են.
«Ես իմ գյուղակում կլինեի նախագահ,

Եթե չլինեին պատերազմները»:

Եթե պատերազմներ չլինեին,

Կխուսափեինք անժամանակ մահերից,

Իսկ մազերը կճերմակեին ավելի ուշ:

Եթե պատերազմներ չլինեին,

Ստիպված չէինք լինի դիմակայել 

Վշտին և բաժանմանը:

Եթե պատերազմներ չլինեին,

Մարդ տեսակի ուժը կլիներ խոսքը,

Իսկ մարդ տեսակի խոսքը` Սեր:

Անգլերենից թարգմանությունը՝ Հուրի Իսկանյանի

Աղբյուրը՝ այստեղ

Դու որպես անժանակ հայտնված ծաղիկ

Ես ինձ չէի սահմանափակի,

Եթե չլինեին կանոն և ավանդույթ,
Ես ետ չէի կանգնի,
Եթե ինձ հայր անվանող զավակներս հետ չպահեին, Դու ունես բարկանալու իրավունք.
Ի՞նչ անել, կյանքը չունի երկրորդ գարուն։
Սիրո բեմն անհասանելի է շատերի համար։
Դու ինձ հիշեցնում ես ձյան տակ աճած մի ծաղիկ,
Որ հայտնվել է անժամանակ` ոչ իր եղանակին:
Եթե ես քեզ չքաղեմ, փոթորիկը, ախր, քեզ կտանի,
Եթե քաղեմ, դու կմեռնես ձեռքերիս մեջ, իմ անգին։

Անգլերենից թարգմանությունը՝  Դավիթ Ստեփանյանի

Աղբյուրը՝ այստեղ