Նաթելլա Օսմանլի

Նաթելլա Օսմանլին ծնվել է 1982թ.-ի մարտի 16-ին։ Սա էլ Նաթելլայի ֆեյսբուքյան էջը:

Կին լինել նշանակում է
Լինել կին` նշանակում է վախենալ, քանզի դու ֆիզիկապես ավելի թույլ ես:

Եվ դու գիշերը փողոցում քեզ անհարմար ես զգում, անգամ, եթե պղպեղով բալոն ունես պայուսակիդ մեջ:

Լինել կին` նշանակում է ունենալ մեղքի զգացողություն: Դու միշտ մեղավոր ես բռնաբարության, բաժանման, քո հետևից խոսելու համար. դու չես պահպանել ընտանիքդ:

Երբևէ լսե՞լ եք ՙ«դու չպահպանեցիր ընտանիքդ»՚ արտահայտությունը ուղղված տղամարդուն: Դա նրա հոգսը չէ, նա պետք է հայթայթի բիզոններ:

Հայթայթում էր: Հիմա ուրիշ ժամանակներ են:

Եվ դու ես մեղավոր, եթե այդքան էլ հնարավորություն չունես և թույլ ես տվել  վճարել ճաշիդ համար:

Դու մեղավոր ես, եթե ֆեմինիստ ես և թույլ չես տվել նրան լինել ասպետ:

Դու մեղավոր ես, որ նրա հաշվին ես ապրում: Կամ էլ դու մեղավոր ես, որ շատ ես աշխատում:

Դու, ամեն դեպքում, միշտ մեղավոր ես, որ զբաղված ես, ինչ հաջողություն էլ, որ դա լինի:

Մեղավոր ես այն երեխայի առաջ, որին կերակրում ես:

Մեղավոր ես երեխայի հոր առաջ, եթե նա ստիպված է սրտից պոկել ալիմենտները:

Եվ իր նոր ընտանիքի առաջ ես մեղավոր: Եվ, եթե հանդիպես մի նոր մարդու, ապա նրա հին ընտանիքի առաջ նույնպես մեղավոր ես լինելու:

Լինել կին` նշանակում է ապացուցել, որ մանիկյուրը, մարմնին կպած շորերը և շիկահեր մազերը չեն բացառում տաղանդը և ինտելեկտը: Գեղեցկությունը չի բացառում կառավարելու ունակությունը, իսկ մարզասրահ գնալը չի բացառում պատասխանատվության զգացումը գործընկերների և գործատուների առջև:

Չգիտես` ինչու, ոչ ոք չի հակադրում գայլի պիրկ մարմինը պայմանագրեր կնքելու կարողությանը:

Իսկ բարձր մակարդակի մասնագիտական հմտությունների և ճարպակալած հետույքի, մազերի չներկած արմատների և ոչ մոդայիկ շորի միջև հավասարության նշան միշտ դնում են:

Լինել կին` նշանակում է արդարանալ անցյալի համար, վախենալ ապագայից և անդադար լսել, որ քո ցանկացած նվաճումը իրականում ամբողջապես քոնը չէ, և դրա ետևում կանգնած է ինչ-որ Նա (կարևոր չէ` ամուսին, հայր, սիրեկան):

Լինել կին` ընդհանրապես չի նշանակում զգալ քո նմանների աջակցությունը և տխրությամբ ընդունել այն փաստը, որ գործընկերներիդ մեջ ավելի շատ են հիմար կանայք, քան հիմար տղամարդիկ: Եվ ՙ«նախանձ» ապուշ բառը, որին դու աթեիստորեն չես հավատում, կիրառելի է ամենաանմիտ, բայց բոլոր իրադրություններում:

Մի խոսքով` անցած լինի:
Աղբյուր՝ Быть женщиной – это ощущать свою вину. Ты постоянно виновата…