Եթե չկաս դու, չկամ նաև ես

Այս ցուրտ և պարզ աշնանը այսպես էր անցնում ամեն երեկո:

Ամեն երեկո Ոզնին և Արջուկը հավաքվում էին Ոզնու կամ էլ Արջուկի մոտ և խոսում էին ինչ-որ բանից:
Ոզնին ասաց Արջուկին.

-Ինչ լավ է, որ մենք միասին ենք:

Արջուկը գլխով արեց:

-Դու միայն պատկերացրու՝ ես չկամ, դու նստած ես այտեղ, և չկա ոչ ոք, ում հետ կարող ես խոսել:

-Իսկ դու որտե՞ղ ես:

-Իսկ ես չկամ:

-Այդպես չի լինում,-ասաց Արջուկը:

-Ես ել եմ այդպես կարծում,-ասաց Ոզնին,-բայց հանկարծ հոպ՝ ու ես չկամ: Դու մենակ ես: Ի՞նչ կանես:

-Կգամ քեզ մոտ:

-Ո՞ւր:

-Ինպես թե ո՞ւր` տուն: Կգամ և կասեմ « Ինչու չե՞ս եկել, Ոզնի»: Իսկ դու կասես…

– Դմբո-ո: Ի՞նչ կասեմ ես, եթե ես չկամ:

– Եթե տանը չես, ուրեմն գնացել ես իմ տուն: Կվազեմ տուն: Ահա՜, դու այստեղ ես: Եվ կսկսեմ…

-Ի՞նչ:

-Բարկանալ:

-Ինչի՞ համար:

-Ինչպե՞ս թե ինչի համար: Այն բանի համար, որ չես արել այնպես, ինչպես պայմանավորվել էինք:

-Իսկ, ի՞նչ էինք պայմանավորվել:

-Ե՞ս որտեղից իմանամ: Բայց դու պետք է լինես կամ իմ, կամ էլ քո տանը:

-Բայց ես ընդհանրապես չկամ: Հասկանո՞ւմ ես:

-Ուրեմն դու գնացել ես ինչ-որ տեղ և դեռ չես վերադարձել: Ես կգնամ, կփնտրեմ ամբողջ անտառում և կգտնեմ քեզ:

-Դու արդեն ամեն տեղ փնտրել ես,- ասաց Ոզնին,- և չես գտել:

-Կգնամ հարևան անտառը:

-Այնտեղ էլ չկամ:

-Ամեն ինչ տակնուվրա կանեմ, և դու կգտնվես:

-Չկամ  ես: Ոչ մի տեղ:

-Այդ ժամանակ, այդ ժամանակ… Այդ ժամանակ դուրս կգամ դաշտ,-ասաց Արջուկը,- և կգոռամ  «Արջու-ու-ո՜ւ-կ…», այսպես:

-Ոչ,-ասաց Ոզնին,-ինձնից ոչ մի կաթիլ չկա: Հասկանո՞ւմ ես:

– Դե-ե՜ ի՞նչ ես ինձնից ուզում,-բարկացավ Արջուկը,- եթե դու չկաս, ես էլ չկամ: Հասկացա՞ր…

-Ես անպայման, դու լսո՞ւմ ես: Ես անպայման,- ասաց Արջուկը:

Ոզնին գլխով արեց:

-Ես անպայման կգամ քեզ մոտ, ինչ էլ որ լինի: Ես միշտ կլինեմ քո կողքին:

Ոզնին նայում էր Արջուկին հանգիստ աչքերով և լռում էր:

-Դե, ինչո՞ւ ես լռում:

-Ես հավատում եմ,-ասաց Ոզնին:

Թարգմանությունը՝ Եփրիկյան Շուշանի

Աղբյուր՝ Если тебя нет, то и меня нет