Թարգմանությունը՝ Անի Հարությունյան
Ես ուզում եմ պատմել Ագաթա Քրիստիի «Մահը Նեղոսի վրա» գրքի մասին։ Գլխավոր հերոսուհին՝ Լինետ Ռիջուեյը, երիտասարդ ու գեղեցիկ կին է, Անգլիայի հարուստ ժառանգուհի։ Նա վերջերս ձեռք է բերել Ուոդ-Հոլլ կալվածքը և ավարտում է դրա վերանորոգումը, երբ իր լավագույն ընկերուհի Ջեքին խնդրում է մի ծառայություն․ նա ցանկանում է, որ Լինետը աշխատանքի ընդունի իր նախկին սիրեցյալ Սայմոնին, ով առանց փողի է և կորցրել է աշխատանքը։ Լինետը համաձայնվում է և շուտով հմայվում Սայմոնով, ով դառնում է նրա ամուսինը։ Լինետն ու Սայմոնը երջանիկ մեկնում են մեղրամիս, բայց ուրախությունը երկար չի տևում։ Ջեքին, վիրավորված և ամբարտավան, փորձում է խանգարել նրանց և անընդհատ հայտնվում է այնտեղ, ուր նրանք են։ Շուտով նրանք մեկնում են նավով Նեղոսով՝ «Կարնակ»-ով, որտեղ հանդիպում են տարբեր մարդկանց, յուրաքանչյուրը իր գաղտնիքներով ու անձնական պատմություններով։ Նավում է նաև հանճարեղ դետեկտիվ Էրկյուլ Պուարոն, ով ուշադիր հետևում է ամեն ինչին։ Լինետը սկսում է զգալ շրջապատողների թշնամանքը, իսկ մի օր նրա վրա ընկնում է քար՝ առաջին փորձը սպանության կամ դժբախտ պատահարի։ Այնուհետև, լարվածությունը հասնում է գագաթնակետին․ Ջեքին խմած վիճակում կրակում է Սայմոնի վրա, բայց նա չի մահանում, իսկ հրացանը անհետանում է։ Առավոտյան Պուարոն և գնդապետ Ռեյսը հայտնաբերում են, որ Լինետը սպանվել է։ Մարդասպանի բացահայտումը հեշտ չի լինում․ Պուարոն սկսում է բացահայտել ուղևորների գաղտնիքները, թաքնված ծրագրերը, գողացված մարգարիտները և անձնական սուտերը։ Մինչև ճշմարտությունը պարզվում է, մահանում են ևս երկու մարդիկ․ Լինետի լվացքատան աշխատող Լուիզան և միսիս Օտթերբերնը։ Վերջում Պուարոն, Ռեյսի օգնությամբ, բացահայտում է մարդասպաններին և պատժում նրանց՝ անկախ նրանից, որ արդարությունը լիովին կատարյալ չէ։
Комментариев нет:
Отправить комментарий