Ոչինչ չէր հուշումլ, որ Ալեքսանդր Բելլը կդառնա գյուտարար:
Նրա կրթությունը հումանիտար էր և պետք է դառնար ճարտասանության և երաժշտության ուսուցիչ։ Բայց ինչ-որ պահին Բելլը սկսեց հետաքրքրվել հեռահաղորդակցության ալիքների ազդանշանների փոխանցման հնարավորությամբ: Սկզբում նա հետաքրքրված էր դրանով և փորձում էր կապել երաժշտական գործիքների հետ։ Արդյունքում նա ստեղծեց էլեկտրական դաշնամուր։ իսկ մի քանի տարի անց նա արտոնագիր ստացավ, որտեղ նկարագրվում էր «մեթոդն ու սարքը… խոսքի և այլ ձայների փոխանցման համար… էլեկտրական ալիքների միջոցով»։ Խոսքն արդեն հեռախոսի մասին էր։Ի դեպ, Բելլը հեռախոս հորինողը չէ։ Առաջնությունը պատկանում է իտալացի Անտոնիո Մեուչիին, ով համապատասխան արտոնագրի համար դիմել է 1871թ.։ Բելլի «խոսող հեռագիրը» իր հերթին ծառայեց մարդկային խոսքի թե՛ փոխանցման, թե՛ ընդունման համար։ Զանգ չկար: Բաժանորդին զանգելն իրանակացվում էր խոսափողի՝ սուլիչի, միջոցով: Այդ գծի հասողությունը չէր գերազանցում 500 մետր։
Բելլը իր կարևորագույն գյուտն էր համարում ֆոտոֆոնը՝ սարք, որը լույսի օգնությամբ ձայները փոխանցում է հեռավորության վրա։ Այն օպտիկամանրաթելային հաղորդակցության նախակարապետն էր։
Վաստակած գումարները Բելլը ներդնում էր գիտության մեջ։ Նա Վաշինգտոնում հիմնեց Ա.Վոլտի անվան ինստիտուտ, որտեղ կատարելագործեցին հեռախոսը, ձայնագրիչը և էլեկտրական հաղորդակցությունը։
Բելլը աշխատում էր նաև ավիացիայի և հիդրոդինամիկայի ոլորտների նախագծերի վրա։ Հայտնի են նրա բրգաձև օդապարիկների բազմաթիվ հետազոտական մոդելներ:
20-րդ դարի սկզբին Ֆրեդերիկ Բոլդվինի հետ նրանք իրագործեցին Ուիլյամ Միաչհեմի գաղափարները հիդրոփայլի մասին։ Կառուցված նավը ստացել է HD-4 ինդեքս։ Այն աշխատում էր «Renault» շարժիչներով և զարգացնում էր մինչև 87 կմ/ժ արագություն։
Գյուտարարը երբեք չի զանգահարել իր մորն ու կնոջը. երկուսն էլ խուլ էին: Հավանաբար դա է պատճառը, որ նա մեծ ուշադրություն է դարձրել տեսողության և լսողության խանգարումներ ունեցող մարդկանց խնդիրներին։ Մի քանի տարի նա ղեկավարել է փորձարարական դպրոց Վաշինգտոնում, որտեղ փնտրում էին խուլ երեխաների ուսուցման լավագույն մեթոդներ: Նրա հորդորով հիմնադրվել է Խուլերի բանավոր կրթության զարգացման ամերիկյան ասոցիացիան։
1888թ. Բելլը հիմնադրեց «National Geographic» ամսագիրը, որը հրատարակվում է մինչ օրս։
Ալեքսանդր Բելլի մահվան օրը 13 միլիոն հեռախոս մեկ րոպե լռեցին:
Աղբյուրը.
Комментариев нет:
Отправить комментарий