суббота, 25 ноября 2017 г.

Շարունակեք փնտրել...

Թող ես երազեմ այնքան, ինչքան իմ գլխում ու սրտում տեղ կա երազանքների համար:

Թող այդ երազանքները ինձ ուղղորդեն ճիշտ ճանապարհով քայլել ու սովորեցնեն չտրորել ճամփին հանդիպած ոչ մի ծաղիկ ու խոտ:
Երազանքները ավելի մաքուր ու ազնիվ են դարձնում մարդուն, որ վերջում արժանի լինես նման երազանքների իրականացմանը: Ամեն ինչ բնական ու երկարատև է: Երազանքները երկար ժամանակ են պահանջում, բայց փոխարենը խոստանալով մեծ երջանկություն:
Եվ, երբ դրանք իրականանան, ես բարձր գլխով ու պարզ ճակատով կնդունեմ այդ փոփոխությունները և գլուխս կորցնելու փոխարեն կկարողանամ հպարտանալ ինձնով ու իմ ստեղծած երջանկությամբ:
Եվ, երբ դրանք իրականանան, ոչ ոք չի տեսնի այն նույն պատանուն, որ փնտրում էին: Թափառում էին քաղաքի բոլոր կամուրջներով, բայց չէին գտնում:
...Մեր երազանքները կատարվում են այն ժամանակ, երբ մենք դրան պատրաստ ենք լինում:
Իսկ մինչ այդ շարունակեք փնտրել, գուցե գտնեք...

Комментариев нет:

Отправить комментарий